Aste honetan ikasleekin bioteknologia eta ingeniaritza genetikoaren edukiak ikusten egon gera, eta komunikabideetan asteburu horretan Hodei Beobide pilotariaren kasua agertu izana, kuriositatea eta jakin-nahia piztu zituen. Nire ikerketatxoa egin ondoren, hona hemen anemia aplasikoaren azalpen xumea.
Anemia aplasikoa, odolaren zelula-amen gaixotasun bat da. Odoleko zelula-ama normalak zatitu eta odoleko zelula mota guztietan eraldatzen dira, batik bat, globulu gorrietan, globulu zurietan eta plaketetan. Odoleko zelula amak kalteren bat pairatzen dutenean, odol zelula mota guztien kopuruaren jaitsiera bat ematen da.
Anemia aplasiko grabea, odol-zelula kontaketa oso baxuak ematen duena, potentzialki hilgarria den gaixotasuna da. Gaixo gazteak hezur-muinaren transplantea behar dute. Gaixo helduak edo hezur-muin emaile osagarririk ez dutenek aldiz, sistema immunitarioa inhibitzen duten sendabideak erabili behar dituzte, hala nola, globulina antitimozitikoa (ATC, ingelesez), trakolimus edo ziklosporina.
Azken kasu hau da Hodeiri gertatutako, ezin bai zuen emailerik aurkitu eta bere egoera larritu egin zen hesteetan infekzio bat izan zuelako. Beraz ATC-rekin saiatu ziren, modu arrakastatsuan.
ATC-ak zaldien edo untxien antigorputzak dituzte, gizakiaren linfozito T-ren, globulu zuri mota baten, aurka aritzen direnak. Gaixoaren sistema immunitarioa inhibitzeko erabiltzen da, eta honela, hezur-muinari aukera ematen zaio odol-zelula berriak sortzeko eta sendatzeko. Aldi berean, beste sendagai gehiago erabili daitezke sistema immunitarioa inhibitzeko.
Gai honen ondorio bezala garbi dago zeinen garrantzitsua den emailea izatea, ez bakarrik hil ondorengoa, baizik eta, bizirik gauden bitartean, bai odolekoa bai hezur muinekoa.
Hezur muineko emailea nola izan jakin nahi baduzu hona hemen bi lotura interesgarri, emailearen gida eta nora joan hezur-muina ematera.